About Us

تعارف
• محمد جاوید قاسمی، ابن مولانا خلیل احمد مفتاحی
• پیدائش: ۱۹۸۱ء مطابق ۹شوال ۱۴۰۱ھ 
• وطن: گاؤں بالو، نزد قصبہ گنگوہ، ضلع سہارن پور، اترپردیش،انڈیا
• مسلک ومشرب: اہل سنت و الجماعت حنفی دیوبندی
• دار العلوم دیوبند سے ۲۰۰۳ء میں دورہ حدیث سے فراغت ہوئی، صحیح بخاری جلد اول حضرت مولانا نصیر احمد خاں صاحب  بلند شہری ؒ سے ، صحیح بخاری جلد ثانی حضرت مولانا عبد الحق صاحب اعظمیؒ سے، صحیح مسلم جلداول حضرت مولانا قمر الدین صاحب گورکھ پوری سے ، صحیح مسلم جلد ثانی اور ابوداؤد جلد اول بحر العلوم حضرت مولانا نعمت اللہ صاحب اعظمی سے،ترمذی جلد اول حضرت مولانا مفتی سعید احمدصاحب پالن پوری ؒسے ،ترمذی جلدثانی حضرت مولانا ارشد مدنی صاحب سے،ابوداؤد جلد ثانی حضرت مولانا  حبیب الرحمان صاحب اعظمی سے اور ابن ماجہ حضرت مولانا ریاست علی صاحب بجنوریؒ سے پڑھی۔
• دار العلوم دیوبند ہی سے تکمیل افتاء اور تخصص فی الحدیث کیا، الحمد للہ !دار العلوم میں ہر سال شش ماہی سالانہ ہر امتحان میں اعلی نمبرات رہے۔
• دو سال دار العلوم دیوبند میں بحیثیت معین مدرس تدریسی خدمات انجام دیں۔  اب دس سال سے جامعہ بدر العلوم گڑھی دولت نزد کاندھلہ ضلع شاملی (یوپی)میں جامع ترمذی ، مشکوۃ شریف وغیرہ کی تدریس اور فتوی نویسی کی خدمت بندہ سے متعلق ہے۔
• زمانہ طالب علمی ہی سے مضمون نگاری کا شوق رہا،تخصص فی الحدیث کےدوسرے سال دیگر آٹھ رفقاء تخصص کے ساتھ ، بحرالعلوم حضرت مولانا نعمت اللہ صاحب اعظمی محدث و صدر شعبہ تخصص فی الحدیث دار العلوم دیوبند اور حضرت مولانا مفتی عبد اللہ صاحب معروفی استاذ تخصص فی الحدیث دار العلوم دیوبند کی زیر نگرانی،جامع ترمذی کی اُن احادیث کا تفصیلی دراسہ کیاجن پر امام ترمذی نے‘‘حسن غریب’’اور ‘‘غریب’’ کا حکم لگایا ہے، جو مکتبہ دار العلوم سے ‘‘حسن غریب فی جامع الترمذی’’ (دو جلد) اور ‘‘حدیث غریب فی جامع الترمذی’’ کے  نام سے شائع ہوا۔
• تخصص فی الحدیث ہی کے زمانے میں حضرت شیخ الحدیث مولانا محمد زکریا صاحب کاندھلوی کی کتاب ‘‘الاعتدال فی مراتب الرجال’’ کی احادیث و آثار کی تخریج کی۔اس کے علاوہ نحو صرف کی متعدد کتابوں پر کام کرنے کی اللہ نے توفیق دی۔ 
• بندہ کی کل تصانیف یہ ہیں :
1) تسہیل فارسی )۱۱۰ صفحات(
2) درس ہدایۃ النحو )۴۳۲ صفحات(
3) درس کافیہ )۴۹۶ صفحات(
4) درس علم الصیغہ )۲۰۸ صفحات(
5) نحومیر اردو مع تمرین و تعلیق )۹۶ صفحات(
6) میزان و منشعب اردو مع تمرین وتعلیق )۸۰صفحات(
7) پنج گنج اردو مع مفید حواشی )۱۲۸ صفحات(
8) تعلیق عربی بر شرح مائۃ عامل (عربی) )۴۸ صفحات(
9) فقہ حنفی کے بارہ اہم مسائل کے متعلق چالیس احادیث )۳۲صفحات(
10) رہنمائے حج وعمرہ (پاکٹ سائز) )۸۰ صفحات(
11) الاعتدال فی مراتب الرجال کی تحقیق وتخریج احادیث (اس کام میں بندے کے رفیق درس مفتی اشرف اعظمی بھی شریک رہے ) )۲۵۹ صفحات)
12) حیات خلیل (اس میں والد محترم حضرت مولانا خلیل احمد مفتاحی نور اللہ مرقدہ کے حالات زندگی جمع کئے ہیں)  (۶۵صفحات)
13) نقوش کامل (اس میں نمونہ اسلاف حضرت مولانا محمد کامل صاحب نور اللہ مرقدہ  سابق مہتمم جامعہ بدر العلوم گڑھی دولت کے متعلق ارباب قلم علماء اور مسلم دانش وروں کے تاثراتی مضامین جمع کئے ہیں) )۲۴۰صفحات)
14) حسن غریب فی جامع الترمذی   (عربی) (یہ بندہ اور دیگر آٹھ رفقاء تخصص فی الحدیث کی اجتماعی کاوش ہے) (۱۲۳۰صفحات)
15) حدیث غریب فی جامع الترمذی (عربی)  (یہ بھی بندہ اور دیگر آٹھ رفقاء تخصص فی الحدیث کی اجتماعی کاوش ہے) (۷۰۰صفحات)
16) درس شرح وقایہ (زیر ترتیب)
17) میری زندگی کے شام وسحر (زیر ترتیب)

تبصرے

ایک تبصرہ شائع کریں

اس بلاگ سے مقبول پوسٹس

حزب البحر مع طريق زکوۃ

  دعاء حزب البحر  دعاء حزب البحر حضرت شیخ ابو الحسن شاذلی قدس سرہ پر الہام ہوئی۔ مشائخ کبار نے برائے تحصیل برکات اس کے پڑھنے اور طالبوں کو اس کے پڑھنے کی اجازت دینے کا مشغلہ رکھا۔حضرت حاجی امداد اللہ مہاجر مکی نور اللہ مرقدہ کا طریقہ اس دعاء کو پڑھنے کا یہ ہے: طریق زکوۃ: ماہ صفر کی ۸، و ۷، و ۸ تاریخ کو روزے رکھے، اور سنت طریقہ کے مطابق اِن تین دنوں کا اعتکاف کرے،اوراِن تین دنوں میں ہر روز مغرب کی نماز کے بعد ایک بار، عشاء کی نماز کے بعد ایک بار اور نمازِ چاشت کے بعد ایک بار یہ دعاء پڑھے۔ اور ۸صفر کی شام کو مغرب بعد چند مساکین کو اپنے ساتھ کھانا کھلائے۔  پھر روزانہ ایک بار اس دعا کو پڑھا کرے، اس کے لیے جو وقت چاہے مقرر کرلے، لیکن ہر روز ایک ہی وقت میں پڑھے، عذر پیش آنے کی صورت میں دوسرے وقت میں پڑھ لے۔ بہتر یہ ہے کہ روزانہ نمازِ مغرب کے بعد پڑھا کرے۔ایام زکوۃ (یعنی ۶، ۷، ۸صفر) میں مطلوب فقط رضائے الہی رکھے، اس کے بعد جو روز مرہ پڑھے ، اس میں جو خاص مطلوب ہو مثلاً وسعتِ رزق وغیرہ اس کا خیال رکھے۔دعا میں متعدد مطالب کی نیت بھی مستحسن ہے ، اس لیے ہر مطلب کے ساتھ رضائے الہی ک...
مزید پڑھیں

زندہ مرغی تول کر بيچنے کا حکم

سوال:  بہت سے لوگ زندہ مرغی فی کلو  کوئی قیمت طے کرکے تول کر بیچتے ہیں ، اس میں خریدار کا بھی فائدہ ہے ، زندہ مرغی خریدنے کی صورت میں ذبح شدہ مرغی کے گوشت کی بہ نسبت گوشت کچھ سستا پڑتا ہے۔ ایک مولوی صاحب یہ کہتے ہیں کہ زندہ جانور تول کر فروخت کرنا جائز نہیں۔ معلوم یہ کرنا ہے کہ ان کی یہ بات کہاں تک درست ہے؟ الجواب و باللہ التوفیق والعصمۃ : ان مولوی صاحب کی بات صحیح نہیں۔ مرغی اور دیگر زندہ جانوروں کو تول کر بیچنا انجام کار جائز ہے؛ کیوں کہ تولنے سے پہلے تو وزن معلوم نہ ہونے کی وجہ سے ثمن متعین نہیں ہوپاتی؛ لیکن تول لینے کے بعد ثمن متعین ہوجاتی ہے اور جہالت ختم ہوجاتی ہے، اس لیے اب بیع درست ہے۔  (احسن الفتاوی 6: 497 ، کتاب النوازل 10: 456) فقط واللہ تعالی اعلم حررہ محمد جاوید قاسمي بالوي خادم حدیث و افتاء جامعہ بدر العلوم گڑھی دولت، ضلع شاملی (یوپی) 13/ 10/ 1441ھ 
مزید پڑھیں

مفتی قاسم جلال آبادی

 حضرت مولانا مفتی محمد قاسم صاحب جلال آبادی: کچھ یادیں کچھ باتیں ✒️ جاوید خلیل قاسمی بالوی 29 جمادی الاخری 1444ھ بہ روز اتوار کو صبح ساڑھے نو بجے درس سے فارغ ہو کر حسب معمول واٹس ایپ کھولا، تو یہ دل دوز خبر واٹس ایپ پر گردش کرتی ہوئی نظر آئی کہ "استاذ الاساتذہ حضرت مولانا مفتی محمد قاسم صاحب جلال آبادی اب اس دنیا میں نہیں رہے"۔ دو دن پہلے ہی کی تو بات ہے، دیوبند سے واپس ہوتے ہوئے جمعہ کے روز ہم جامعہ مفتاح العلوم جلال آباد میں کچھ دیر کے لیے رکے، جامعہ کی مسجد میں نمازِ جمعہ ادا کی، کچھ طلبہ سے ملاقات ہوئی، حضرت مولانا مفتی عبد الستار صاحب کے صاحب زادے (جو میرے شاگرد بھی ہیں) مولوی طلحہ سلمہ بھی کئی سالوں کے بعد ملے، ان سے بہت سی باتیں ہوئیں، پھر استاذ محترم حضرت مولانا شبیر احمد صاحب پتھر گڑھی استاذ جامعہ مفتاح العلوم کے مکان پر حاضر ہو کر دوپہر کا کھانا کھایا، کسی نے بھی یہ نہیں بتایا کہ مفتی قاسم صاحب علیل ہیں، بتاتے بھی کیسے ؟ مفتی صاحب ٹھیک تھے، کوئی ایسی بیماری تھی ہی نہیں جسے سفر آخرت کا مقدمہ تصور کیا جاتا، یہ کسے معلوم تھا کہ اتوار کی صبح اچانک حضرت مفتی صاحب پر ہارٹ...
مزید پڑھیں