ہاتھوں ، مسجد کے در ديوار اور فرش کو سينی ٹائز کرنے کا حکم

ہاتھوں، مسجد کے در  دیوار اور فرش  کو سینی ٹائز کرنے  کا حکم

    کورونا وائرس کی وجہ سے پیدا شدہ موجودہ صورت حال میں، طبی اعتبار سے سینی ٹائزر کی ضرورت و اہمیت کافی بڑھ گئی ہے؛ لیکن سینی ٹائزر میں عام طور پر الکحل کی مقدار دوسرے اجزاء کی بہ نسبت زیادہ ہوتی ہے؛ اس لیے دینی حلقوں میں اس کے استعمال کے حوالے سے تشویش پائی جاتی ہے۔ ذیل میں ہاتھوں، مسجد وغیرہ کے در دیوار اور فرش کے لیے سینی ٹائزر استعمال کرنے کا حکم لکھا جاتا ہے۔         

    الکحل (alcohol) کی دو قسمیں ہیں :

    پہلی قسم :  وہ الکحل جو انگور، کھجور، منقی اور کشمش سے حاصل کیا جاتا ہے۔ یہ بالاتفاق ناپاک اور حرام ہےخواہ مقدار کم ہو یا زیادہ، اس کا استعمال اور خرید و فروخت ناجائز ہے۔

    دوسری قسم : وہ الکحل جو مذکورہ بالا اشیاء کے علاوہ کسی اور چیز مثلاً : جو، مکئی ،آلو، شہد، گنے کا رس، سبزی وغیرہ سے حاصل کیا جاتا ہے،اس کا استعمال اور خر ید و فروخت جائز ہے بشرطے کہ نشہ آور نہ ہو۔

    عام طور پر پرفیومس، ادویات اور دیگر مرکبات مثلاً سنی ٹائزر وغیرہ میں جو الکحل استعمال کیا جاتا ہے، وہ انگور، منقی ، کشمش  اور کھجور سے حاصل شدہ نہیں ہوتا ؛ بلکہ دیگر اشیاء (مختلف دانوں، سبزی، پیٹرول، گنے کے رس اور کوئلہ وغیرہ) سے تیار کیا جاتا ہے۔ لہذا جب تک تحقیق سے یہ ثابت نہ ہوجائے کہ سینی ٹائزر میں انگور، منقی، کشمش  اور کھجور سے حاصل شدہ الکحل ہے، اس وقت تک اس کے استعمال کو ناجائز اور حرام نہیں کہہ سکتے۔ بناء بریں سینی ٹائزر میں الکحل کی مقدار اگرچہ دیگر اجزاء کی بہ نسبت  زیادہ ہوتی ہے؛ لیکن ملک کی موجودہ صورت حال میں، محکمہ صحت کی ہدایت کے مطابق وضو و غسل کے بعد ہاتھوں میں  سینی ٹائزر استعمال کرنے، اور مسجد کے در ودیوار  اور فرش وغیرہ کو سینی ٹائز کرنے میں کوئی حرج نہیں؛ اس کی وجہ سے بدن، کپڑے اور مسجد کے فرش وغیرہ پر ناپاک ہونے کا حکم نہیں لگے گا۔

    تکملہ فتح الملہم میں ہے :

    ’’ و ٲما غیر الٲشربۃ الٲربعۃ، فلیست نجسۃ عند الٳمام ٲبي حنيفۃ رحمہ اللہ تعالی ۔

    و بہذا تبين حکم الکحول المسکرۃ (Al. cohals) التی عمت بہا البلوی الیوم، فٳنہا تستعمل فی کثیر من الٲدویۃ و العطور و المرکبات الٲخری، فٳنہا ٳن اتخذت من العنب ٲو التمر فلا سبیل ٳلی حلتہا ٲو طہارتہا، و ٳن اتخذت من غیرھما فالٲمر فیہا سہل علی مذھب ٲبي حنيفۃ رحمہ اللہ تعالی، و لا یحرم استعمالہا للتداوی ٲو لٲغراض مباحۃ ٲخری ما لم تبلغ حد الٳسکار؛ لٲنہا ٳنما تستعمل مرکبۃ مع المواد الٲخری، و لا یحکم بنجاستہا ٲخذا بقول ٲبي حنیفۃ رحمہ اللہ ۔

    و ٳن معظم الکحول التی تستعمل الیوم فی الٲدویۃ و العطور و غیرھا لا تتخذ من العنب ٲو التمر، ٳنما تتخذ من الحبوب ٲو القشور ٲو البترول و غیرہ، کما ذکرنا فی باب بیع الخمر من کتاب البیوع، و حینئذ ھناک فسحۃ فی الٲخذ بقول ٲبي حنیفۃ عند عموم البلوی ۔ و اللہ سبحانہ ٲعلم ۔‘‘  (تکملۃ فتح الملھم، کتاب الٲشربۃ، 3 : 506 ، ط : دار ٳحیاء التراث العربي بیروت)

حررہ : محمد جاوید قاسمی بالوی

خادم حدیث و افتاء

جامعہ بدر العلوم گڑھی دولت، ضلع شاملی

1441/10/16ھ

تبصرے

ایک تبصرہ شائع کریں

اس بلاگ سے مقبول پوسٹس

حزب البحر مع طريق زکوۃ

  دعاء حزب البحر  دعاء حزب البحر حضرت شیخ ابو الحسن شاذلی قدس سرہ پر الہام ہوئی۔ مشائخ کبار نے برائے تحصیل برکات اس کے پڑھنے اور طالبوں کو اس کے پڑھنے کی اجازت دینے کا مشغلہ رکھا۔حضرت حاجی امداد اللہ مہاجر مکی نور اللہ مرقدہ کا طریقہ اس دعاء کو پڑھنے کا یہ ہے: طریق زکوۃ: ماہ صفر کی 6، و 7، و 8 تاریخ کو روزے رکھے، اور سنت طریقہ کے مطابق اِن تین دنوں کا اعتکاف کرے،اوراِن تین دنوں میں ہر روز مغرب کی نماز کے بعد ایک بار، عشاء کی نماز کے بعد ایک بار اور نمازِ چاشت کے بعد ایک بار یہ دعاء پڑھے۔ اور 8 صفر کی شام کو مغرب بعد چند مساکین کو اپنے ساتھ کھانا کھلائے۔  پھر روزانہ ایک بار اس دعا کو پڑھا کرے، اس کے لیے جو وقت چاہے مقرر کرلے، لیکن ہر روز ایک ہی وقت میں پڑھے، عذر پیش آنے کی صورت میں دوسرے وقت میں پڑھ لے۔ بہتر یہ ہے کہ روزانہ نمازِ مغرب کے بعد پڑھا کرے۔ایام زکوۃ (یعنی ۶، ۷، ۸صفر) میں مطلوب فقط رضائے الہی رکھے، اس کے بعد جو روز مرہ پڑھے ، اس میں جو خاص مطلوب ہو مثلاً وسعتِ رزق وغیرہ اس کا خیال رکھے۔دعا میں متعدد مطالب کی نیت بھی مستحسن ہے ، اس لیے ہر مطلب کے ساتھ رضائے الہی ...
مزید پڑھیں

نبی کریم صلی اللہ علیہ وسلم نے کتنے حج اور عمرے فرمائے؟

 سوال: حضور صلی اللہ علیہ وسلم نے اپنی زندگی میں کتنے حج اور کتنے عمرے کئے؟ الجواب و باللہ التوفیق:  حضرت نبی اکرم صلی اللہ علیہ وسلم نے اعلان نبوت کے بعد سے ہجرت تک تین حج کئے، فرضیت حج کا حکم نازل ہونے کے بعد آپ نے ایک حج فرمایا جس کو حجۃ الوداع ، حجۃ البلاغ اور حجۃ الاسلام کہتے ہیں - یہ وہ عظیم یادگار اور تاریخ ساز حج ہے جس میں صحابہ کرام کی ایک بہت بڑی تعداد نے آپ کے ہمراہ فریضہ حج ادا کیا، اور آپ سے حج وعمرہ کے احکام سیکھے۔  سیرت حلبیہ میں ہے : " ولم يحج منذ هاجر الي المدينة غير هذه الحجة,قال واما بعد النبوة قبل الهجرة فحج ثلاث حجات " اھ ( سیرت حلبیہ ج 3، ص 283 ) ۔  حضور صلی اللہ علیہ وسلم نے اپنی حیات مبارکہ میں کل چار عمرے کیے ہیں، البتہ ان میں سے عمرہ حدیبیہ کفار کی رکاوٹ کی وجہ سے مکمل نہیں ہوسکا تھا، باقی تین عمرے مکمل ادا فرمائے، اور یہ تمام کے تمام ذی قعدہ کے مہینے میں کیے، سوائے اس عمرہ کے جو آپ صلی اللہ علیہ وسلم نے حج کے ساتھ کیا، وہ ذی الحجہ میں ہوا تھا. صحیح مسلم میں ہے : " أن رسول الله صلی الله علیه وسلم اعتمر أربع عمر کلهن فی ذی القعدة إلا التی مع ...
مزید پڑھیں

مفتی قاسم جلال آبادی

 حضرت مولانا مفتی محمد قاسم صاحب جلال آبادی: کچھ یادیں کچھ باتیں ✒️ جاوید خلیل قاسمی بالوی 29 جمادی الاخری 1444ھ بہ روز اتوار کو صبح ساڑھے نو بجے درس سے فارغ ہو کر حسب معمول واٹس ایپ کھولا، تو یہ دل دوز خبر واٹس ایپ پر گردش کرتی ہوئی نظر آئی کہ "استاذ الاساتذہ حضرت مولانا مفتی محمد قاسم صاحب جلال آبادی اب اس دنیا میں نہیں رہے"۔ دو دن پہلے ہی کی تو بات ہے، دیوبند سے واپس ہوتے ہوئے جمعہ کے روز ہم جامعہ مفتاح العلوم جلال آباد میں کچھ دیر کے لیے رکے، جامعہ کی مسجد میں نمازِ جمعہ ادا کی، کچھ طلبہ سے ملاقات ہوئی، حضرت مولانا مفتی عبد الستار صاحب کے صاحب زادے (جو میرے شاگرد بھی ہیں) مولوی طلحہ سلمہ بھی کئی سالوں کے بعد ملے، ان سے بہت سی باتیں ہوئیں، پھر استاذ محترم حضرت مولانا شبیر احمد صاحب پتھر گڑھی استاذ جامعہ مفتاح العلوم کے مکان پر حاضر ہو کر دوپہر کا کھانا کھایا، کسی نے بھی یہ نہیں بتایا کہ مفتی قاسم صاحب علیل ہیں، بتاتے بھی کیسے ؟ مفتی صاحب ٹھیک تھے، کوئی ایسی بیماری تھی ہی نہیں جسے سفر آخرت کا مقدمہ تصور کیا جاتا، یہ کسے معلوم تھا کہ اتوار کی صبح اچانک حضرت مفتی صاحب پر ہارٹ...
مزید پڑھیں