نکاح خوانی کی اجرت کا مستحق کون ہے؟

سوال : کیا فرماتے ہیں مفتیان کرام مسٔلہ ذیل کے بارے میں:

(۱) ایک مسجد کے امام صاحب جماعت میں گئے ،اور امام صاحب کی غیر حاضری میں محلہ کی دوسری مسجد کے امام صاحب نے نکاح پڑھائے، نکاحوں میں جو اجرت ملی ہے،وہ کس کی ہے؟ جن دوسرے امام نے نکاح پڑھائےہیں ان کی ہے یا محلہ کی مسجد کے امام کی؟

(۲) دوسری مسجد کے امام نے نکاحوں میں جو اجرت ملی ہے ، اس کی آدھی رقم محلہ کے امام صاحب کو دیدی؛ لیکن وہ اس پر راضی نہیں ہیں؛ بلکہ زیادتی کا مطالبہ کررہے ہیں، ان کا یہ فعل جائز ہے یا نہیں ؟

(۳) آدھی رقم جو دی ہے وہ دوسرے امام کے لیے جائز ہے یا نہیں؟


الجواب و باللہ و التوفیق والعصمۃ : حامداً و مصلیاً !
(۱) اصولی طور پر نکاح خوانی کی اجرت نکاح پڑھانے والے کا حق ہوتا ہے، خواہ وہ امام محلہ ہو یا کوئی دوسرا آدمی ، اس میں دوسروں کا حق نہیں ہوتا، ہاں ! اگر نکاح خواں بخوشی اس میں سے کسی کو کچھ دینا چاہے تو دے سکتا ہے؛ لہذا امام محلہ کی غیر موجودگی میں، دوسری مسجد کے امام نے جو نکاح پڑھائے ہیں ، ان کی اجرت کے وہی مستحق ہیں، امام محلہ کا اس میں کوئی حق نہیں ۔
’’ ٳن الٲجرۃ بمقابلۃ العمل ‘‘ ( بدائع الصنائع ۷: ۱۹، ط : دار الکتب العلمیۃ بیروت)
(۲، ۳) دوسری مسجد کے امام نے(جنہوں نے وہ نکاح پڑھائے ہیں) اگر بغیر کسی دباؤ کے بخوشی آدھی رقم امامِ محلہ کو دی ہے، تو یہ ان کا تبرع اور ہدیہ ہے، امام محلہ کے لیے اسے لینا جائز ہے، مگر زیادتی کا مطالبہ کرنا جائز نہیں ۔
عن ٲنس بن مالک رضی اللہ عنہ ٲن رسول اللہ صلی اللہ علیہ وسلم قال : ’’ لا یحل مال امرئ مسلم ٳلا بطیب نفسہ ‘‘ (سنن الدار قطنی رقم ۲۸۸۵، ۳: ۴۲۴، ط : مؤسسۃ الرسالۃ)
فتاوی دار العلوم میں ہے:
’’ نکاح خوانی جس کو دی جاوے اسی کی ملک ہے، دوسروں کا اس میں کچھ حق نہیں، نکاح خواں اپنی خوشی سے جس کو چاہے دیوے یا نہ دیوے، اس پر کسی کو دعوی نہیں ہوسکتا، اور نہ کوئی اس کا شریک ہے۔‘‘ (فتاوی دار العلوم ۱۵: ۲۹۸) وہکذا فی فتاوی محمودیہ ( ۱۷: ۹۵، تحقیق مولانا سلیم اللہ خاں صاحب)
فقط و اللہ تعالی ٲعلم
حررہ : محمد جاوید قاسمی بالوی
خادم حدیث و افتاء جامعہ بدر العلوم گڑھی دولت، ضلع شاملی (یوپی)
۶شوال المکرم ۱۴۴۱ھ بروز سنیچر

تبصرے

ایک تبصرہ شائع کریں

اس بلاگ سے مقبول پوسٹس

حزب البحر مع طريق زکوۃ

  دعاء حزب البحر  دعاء حزب البحر حضرت شیخ ابو الحسن شاذلی قدس سرہ پر الہام ہوئی۔ مشائخ کبار نے برائے تحصیل برکات اس کے پڑھنے اور طالبوں کو اس کے پڑھنے کی اجازت دینے کا مشغلہ رکھا۔حضرت حاجی امداد اللہ مہاجر مکی نور اللہ مرقدہ کا طریقہ اس دعاء کو پڑھنے کا یہ ہے: طریق زکوۃ: ماہ صفر کی ۸، و ۷، و ۸ تاریخ کو روزے رکھے، اور سنت طریقہ کے مطابق اِن تین دنوں کا اعتکاف کرے،اوراِن تین دنوں میں ہر روز مغرب کی نماز کے بعد ایک بار، عشاء کی نماز کے بعد ایک بار اور نمازِ چاشت کے بعد ایک بار یہ دعاء پڑھے۔ اور ۸صفر کی شام کو مغرب بعد چند مساکین کو اپنے ساتھ کھانا کھلائے۔  پھر روزانہ ایک بار اس دعا کو پڑھا کرے، اس کے لیے جو وقت چاہے مقرر کرلے، لیکن ہر روز ایک ہی وقت میں پڑھے، عذر پیش آنے کی صورت میں دوسرے وقت میں پڑھ لے۔ بہتر یہ ہے کہ روزانہ نمازِ مغرب کے بعد پڑھا کرے۔ایام زکوۃ (یعنی ۶، ۷، ۸صفر) میں مطلوب فقط رضائے الہی رکھے، اس کے بعد جو روز مرہ پڑھے ، اس میں جو خاص مطلوب ہو مثلاً وسعتِ رزق وغیرہ اس کا خیال رکھے۔دعا میں متعدد مطالب کی نیت بھی مستحسن ہے ، اس لیے ہر مطلب کے ساتھ رضائے الہی ک...
مزید پڑھیں

زندہ مرغی تول کر بيچنے کا حکم

سوال:  بہت سے لوگ زندہ مرغی فی کلو  کوئی قیمت طے کرکے تول کر بیچتے ہیں ، اس میں خریدار کا بھی فائدہ ہے ، زندہ مرغی خریدنے کی صورت میں ذبح شدہ مرغی کے گوشت کی بہ نسبت گوشت کچھ سستا پڑتا ہے۔ ایک مولوی صاحب یہ کہتے ہیں کہ زندہ جانور تول کر فروخت کرنا جائز نہیں۔ معلوم یہ کرنا ہے کہ ان کی یہ بات کہاں تک درست ہے؟ الجواب و باللہ التوفیق والعصمۃ : ان مولوی صاحب کی بات صحیح نہیں۔ مرغی اور دیگر زندہ جانوروں کو تول کر بیچنا انجام کار جائز ہے؛ کیوں کہ تولنے سے پہلے تو وزن معلوم نہ ہونے کی وجہ سے ثمن متعین نہیں ہوپاتی؛ لیکن تول لینے کے بعد ثمن متعین ہوجاتی ہے اور جہالت ختم ہوجاتی ہے، اس لیے اب بیع درست ہے۔  (احسن الفتاوی 6: 497 ، کتاب النوازل 10: 456) فقط واللہ تعالی اعلم حررہ محمد جاوید قاسمي بالوي خادم حدیث و افتاء جامعہ بدر العلوم گڑھی دولت، ضلع شاملی (یوپی) 13/ 10/ 1441ھ 
مزید پڑھیں

مفتی قاسم جلال آبادی

 حضرت مولانا مفتی محمد قاسم صاحب جلال آبادی: کچھ یادیں کچھ باتیں ✒️ جاوید خلیل قاسمی بالوی 29 جمادی الاخری 1444ھ بہ روز اتوار کو صبح ساڑھے نو بجے درس سے فارغ ہو کر حسب معمول واٹس ایپ کھولا، تو یہ دل دوز خبر واٹس ایپ پر گردش کرتی ہوئی نظر آئی کہ "استاذ الاساتذہ حضرت مولانا مفتی محمد قاسم صاحب جلال آبادی اب اس دنیا میں نہیں رہے"۔ دو دن پہلے ہی کی تو بات ہے، دیوبند سے واپس ہوتے ہوئے جمعہ کے روز ہم جامعہ مفتاح العلوم جلال آباد میں کچھ دیر کے لیے رکے، جامعہ کی مسجد میں نمازِ جمعہ ادا کی، کچھ طلبہ سے ملاقات ہوئی، حضرت مولانا مفتی عبد الستار صاحب کے صاحب زادے (جو میرے شاگرد بھی ہیں) مولوی طلحہ سلمہ بھی کئی سالوں کے بعد ملے، ان سے بہت سی باتیں ہوئیں، پھر استاذ محترم حضرت مولانا شبیر احمد صاحب پتھر گڑھی استاذ جامعہ مفتاح العلوم کے مکان پر حاضر ہو کر دوپہر کا کھانا کھایا، کسی نے بھی یہ نہیں بتایا کہ مفتی قاسم صاحب علیل ہیں، بتاتے بھی کیسے ؟ مفتی صاحب ٹھیک تھے، کوئی ایسی بیماری تھی ہی نہیں جسے سفر آخرت کا مقدمہ تصور کیا جاتا، یہ کسے معلوم تھا کہ اتوار کی صبح اچانک حضرت مفتی صاحب پر ہارٹ...
مزید پڑھیں